దేశంలోని మూడు పార్టీల జాతీయ హోదా గుర్తింపును కేంద్ర ఎన్నికల సంఘం రద్దు చేసిన సంగతి తెలిసిందే. అసలు జాతీయ పార్టీ హోదా పొందాలంటే అర్హతలు ఏంటో ఇప్పుడు తెలుసుకుందాం.
ఏదైనా పార్టీ జాతీయ పార్టీ కావాలంటే ముందు రాష్ట్ర పార్టీగా గుర్తింపు పొందాలి. అంటే ఆ రాష్ట్ర అసెంబ్లీ ఎన్నికల్లో కనీసం 6శాతం ఓట్లతో పాటు రెండు అసెంబ్లీ నియోజకవర్గాల్లో గెలవాలి. అలా లేని పక్షంలో లోక్ సభ ఎన్నికల్లో 6శాతం ఓట్లు, ఓ ఎంపీ సీటు అయినా సాధించాలి. అది కాదంటే అసెంబ్లీ లేదా లోక్ సభ ఎన్నికల్లో కనీసం 8శాతం ఓట్లు పొందాలి. అప్పుడే ఆ పార్టీకి రాష్ట్ర పార్టీ గుర్తింపు వస్తుంది.
అలా గుర్తింపు పొందిన రాష్ట్ర పార్టీ జాతీయ హోదా పొందాలంటే కేంద్ర ఎన్నికల సంఘం పెట్టిన నిబంధనలను పాటించాలి. అవి ఏంటంటే….
కనీసం నాలుగు రాష్ట్రాల్లో రాష్ట్ర పార్టీగా గుర్తింపు పొందాలి. లేదంటే కనీసం మూడు రాష్ట్రాల్లోనైనా 2శాతం ఓట్లు సాధించాలి. సార్వత్రిక ఎన్నికల్లో నాలుగు లేదా ఎక్కువ రాష్ట్రాల్లో 6శాతం ఓట్లతో పాటు కనీసం 4ఎంపీ సీట్లు గెలవాలి. అప్పుడే ఆ పార్టీకి జాతీయ హోదా లభిస్తుంది.
కేంద్రం తాజాగా మూడు పార్టీల జాతీయ హోదాను రద్దు చేయడంతో ప్రస్తుతం దేశంలో బీజేపీ, కాంగ్రెస్, సీపీఎం, బీఎస్పీ, ఎన్పీపీ, ఆప్ పార్టీలు మాత్రమే జాతీయ పార్టీలుగా కొనసాగనున్నాయి.
